belbalady : إكسترا نيوز تبرز فيديو "اليوم السابع" حول أراء أصدقاء الإخوانى سامى كمال فى خيانته

December 9th, 11:04pmDecember 9th, 11:04pm

بالبلدي | BeLBaLaDy

بثت قناة "إكسترا نيوز" فيديو اليوم السابع، الذى التقى خلاله بعائلة وأصدقاء الإخوانى سامى كمال الدين، لكشف تاريخ خيانته للوطن وعلاقته بجماعة الإخوان.

وخلال الفيديو قال الحاج كمال الدين: "سامى يعتبر عاقا لوالديه لأنه سابنى وأنا في السن ده بدل ما ييجى يقعد جانبي ويساعدنى، أنا عندى إتنين إخواته في السعودية أحسن منه على الأقل بيبعتولى عشان أقدر أعيش في البلد لكن هو  سابنى وخد عياله ومراته، ومبيبعتليش جنيه من يوم ما سافر".

وعن آراء سامى كمال الدين يقول والده: "أنا مش موافق على كلامه وناس كتير مش موافقة عليه وهو فيه يتكلم على بلده كدة حد يتكلم على أهله، ودى تعتبر خيانة لأن ماينفعش حد يتكلم على بلده وحش وكل كلامهم عمره ما هيعمل حاجة لإنه كلام غلط".

وعن علاقته به قال: "أنا مش راضى عنه لأنه لا يصح إلا الصحيح وعمر الكذب مينفع حد وسامى عمره ما كان إخوان بس هو جرى ورا كلام مراته".

 وعن سؤاله لماذا لا توجد لسامى صور هنا قال: "هي بنت سليمان "يقصد زوجة سامى" هاتسيبلنا صور ليه واللى يبيع بلده عمره ما هيكسب حاجة".

ومن جهة أخرى قال عابدين عارف صديق طفولة الإخوانى الهارب سامى كمال الدين: "إحنا مع بعض من لما كنا صغيرين خالص ومحدش كان يصدق إنه يوصل للى وصله دلوقتى، أنا بتكلم لأنى صحبه وكنت متغرب 18 سنة وعارف قيمة الوطن ده كويس ويعنى ايه مصر".

وأضاف عارف: "أنا ماتخيلش إن حد يقدر يشتم على أهله واخواته ولو هو فاكر إن الشتيمة على أهله مثلاً هاتبقى لصالحه يبقى هو صح، لكن مفيش حد يقبل إهانة أهله".

 وأكمل عابدين: "البلد كان فيها انفلات أمنى كبير في فترة الإخوان والمفروض إن سامى عارف ده وما يهاجمش البلد لأن الإنجازات اللى بتحصل كبيرة جداً، وكفاية الأمن والأمان اللى في شوارع مصر دلوقتى حتى على مستوى الصعيد و الجيش والشرطة ربنا يكون في عونهم".

ومن جهته أكد محمود سعد الدين ابن عم الإخوانى الهارب سامى كمال الدين : "البلد دلوقتى اتقدمت وكأنها شغالة من 10 سنوات ومشاريع كبيرة ونقول للى بيهاجموا البلد ربنا يهديكم ومحدش يهاجمنا تانى خصوصاً إن نظام مرسى كان شغل بلطجة وموت لكن نظام الرئيس السيسى بيبنى البلد من جديد وكل حاجة مظبوطة والبلد طالعة".

وأضاف سعد الدين: "بالنسبة لسامى كمال الدين نقوله ربنا يهديه ودى مصر الغالية على الجميع وإن شاء مصر هاتبقى من أحسن لأحسن".

إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع. "جميع الحقوق محفوظة لأصحابها" المصدر :" اليوم السابع "